O Deportivo pecharía o mercado con Tosic, un lateral esquerdo

A operación á que se someteu o lateral esquerdo Escudero modificou os plans do Deportivo. Esa banda quedaría só con Obrador para afrontar a segunda parte do campionato e a dirección deportiva moveuse á procura dunha solución. O elixido é o serbio Nemanja Tosic que podería ser anunciado nas vindeiras horas polo club coruñés. Tosic chegaría en calidade de cedido procedente do Zurich, da liga suíza. 

Formado no Estrela Vermella, pasou por equipos máis modestos da Liga Serbia como o Sindjelic ou o Macva ata que chegou en 2020 ao Cucaricki, co que disputou a Conference League a temporada pasada. No verán de 2024 acabou no Zurich pero esa aventura podería chegar á súa fin nas vindeiras horas.