O Deportivo segue coa pólvora mollada (0-0)

O Deportivo continúa coa pólvora mollada nesta temporada. Por segunda xornada consecutiva empatou a ceros; desta volta, o partido que xogou no campo do Elxe. No primeiro tempo as ocasións escasearon e se alguén mereceu o gol foi o equipo local, que monopolizou a posesión (un 74 %) pero ao que lle faltou profundidade. O equipo coruñés nin sequera probou o porteiro Dituro. 

Cambiou o partido no reinicio, cun Deportivo que saíu moito máis ambicioso. Lucas Pérez avisou aos dous minutos e antes do dez Mella e Barbero gozaron dunha dobre oportunidade moi clara. O Elxe tentou dar cumprida resposta e mesmo viu como se lle anulaba un gol por posición de fóra de xogo. Un exilicitano como Lucas Pérez tivo a última no 77, pero segue negado cara a porta contraria e perdoou unha desas xogadas en que non adoita fallar.