O Liceo perde con contundencia no Palau e cede a segunda praza da OK Liga

Na OK Liga, o Deportivo Liceo cedeu a segunda praza logo de caer derrotado con claridade no Palau ante o Barça por seis a un.

O equipo catalán foi moi superior e non lle deu opcións ao conxunto liceísta. 

Marc Grau e Helder Nunes, moi inspirados no aspecto goleador, meteron dous goles cada un. A maiores, João Rodrigues e Ignacio Alabart conseguiron o quinto e o sexto gol para o equipo blaugrana.

Bruno di Benedetto fixo o único gol dos de Juan Copa, quen fixo rotacións pensando na Copa do Rei. 

O vindeiro xoves será o partido de cuartos de final ante o Caldes, que veremos en directo na nosa segunda canle.