O Polvorín aprende a gañar como visitante (1-2)

O Polvorín logrou a primeira vitoria da temporada como visitante no campo do Langreo (1-2). Triunfo de moito mérito do equipo dirixido por Roberto Trashorras que acadaron o gol do triunfo no minuto 87. 

Dous equipos que comezaban a xornada en postos de descenso polo que o resultado ten dobre valor para o Polvorín. O recuperado Antonetti marcou o primeiro tanto. Empataría o local Davo desde o punto de penalti. No minuto 87 Xavi Domínguez marcou un gran gol co que o filial do Lugo acadou o segundo triunfo e xa suma dez puntos.