O Racing recibe ao Mirandés con cambios obrigados no equipo

O Racing volve xogar mañá na Malata. Será ante o Mirandés a partir das dúas da tarde. Pero xa non vai poder facelo co mesmo equipo. Por primeira vez na temporada, Cristóbal ten que modificar o once titular. Así o esixe a lesión de Aitor Buñuel. As novas incorporacións, Bebé e Correa, entran na convocatoria. Tamén Álvaro Giménez, tras marchar mancado de Riazor. 

Cristóbal compareceu en sala de prensa para afirmar que, sen contar as lesións, ten un bo equipo co que aspirar aos obxectivos da temporada. Valora a experiencia dos seus futbolistas. Tamén indicou que a súa preocupación céntrase en mellorar o aspecto ofensivo nos partidos vindeiros.