Cargando resultados...
O Rácing Vilalbés remonta en Bouzas e métese na final galega de ascenso a 2ª RFEF
O Rácing Vilalbés remonta en Bouzas e métese na final galega de ascenso a 2ª RFEF
O equipo local non perdía en liga desde o mes de novembro
Fernando Cuadrado e Make marcaron no primeiro tempo e o porteiro Santomé estivo brillante no segundo
G24.gal
06/05/2023 21:00
O Rácing Vilalbés gañou no campo do Rápido de Bouzas (0-2) e remontou o gol de vantaxe que traían os vigueses do partido de ida. Os chairegos xogarán a final galega de ascenso a Segunda Federación.
No primeiro minuto marcou Fernando Cuadrado para o Rácing aproveitando un erro no despexe de Brais Pereiro. Antes do descanso Make marcaba o segundo cunha gran bolea á saída dun córner.
Os de Simón Lamas impuxeron o seu traballo defensivo no segundo tempo, e cando o Rápido conseguiu xerar ocasións atopouse cun Santomé moi inspirado na portería.
