O TSXG avala a orde de derriba das torres do Garañón, recorrida polo Banco Santander

O Tribunal Superior de Xustiza de Galicia (TSXG) avalou a orde de derriba das Torres do Garañón, en Lugo, desestimando nunha sentenza o recurso que interpuxera o Banco Santander contra a medida do Concello lucense. Tras varias resolucións xudiciais, a entidade recorreu a orde de demolición apoiada pola sentenza do Xulgado do Contencioso-Administrativo número 2 de Lugo. Argumentaron que as resolucións municipais vulneraban os principios de seguridade xurídica e cuestionaban a validez dos informes técnicos presentados polo Concello para a demolición.

Os maxistrados do TSXG consideran que si se fai unha "ampla referencia" aos fitos que preceden a situación urbanística do edificio, "os cales son suficientemente esclarecedores da situación". "Aínda que podemos indicar que a valoración concreta de cada apartado poida non ter a extensión que o apelante require, se é suficientemente explicita e comprensible", remarcan.

Aseveran que a demolición no caso das obras non legalizables é "o resultado último da necesidade de restaurar a legalidade urbanística", polo que se desestima o recurso de apelación. Ademais, impoñen á entidade financeira o pago das custas procesuais cun límite de ata 1.000 euros.