Absolto o exconseller catalán do 1-O LLuís Puig polo caso dos bens de Sijena
A Fiscalía pedía para Puig dous anos de inhabilitación por un delito de desobediencia ao considerar un claro incumprimento que non devolvese ao Mosteiro de Sijena (Huesca) 44 obras que estaban no Museo de Lleida, a pesar de que así o ordenou un xulgado de Huesca
O Tribunal Superior de Xustiza de Cataluña (TSXC) absolveu o exconseller de Cultura durante o 1-O e actual deputado de Junts no Parlament Lluís Puig, ao descartar que cometese un delito de desobediencia por non devolver os bens de Sijena que estaban en Cataluña en 2017.
A Fiscalía pedía para Puig dous anos de inhabilitación por un delito de desobediencia ao considerar un claro incumprimento que non devolvese ao Mosteiro de Sijena (Huesca) 44 obras que estaban no Museo de Lleida, a pesar de que así o ordenou un xulgado de Huesca.
Para o Tribunal, no xuízo contra Puig non se achegou proba suficiente de que o exconseller, que foi xulgado en ausencia porque está fuxido da xustiza en Bélxica, incorrese nunha negativa reiterada e persistente á orde xudicial e que mantivese unha vontade rebelde ante o mandato do xuíz.
.png)
