O viaduto do Castro na A-6 reabre cun só carril e limitación de 50 km/h

Todo está listo xa para a reapertura dun dos dous viadutos da A-6 que conectan Galicia coa meseta. O ministro de Transportes asegurou durante unha visita á zona que a reconstrución da ponte dirección Madrid se fixo en tempo récord. Reabre este sábado, pero cun só carril e con limitación da velocidade a 50 por hora.

Durante a visita, as conselleiras de Infraestruturas de Galicia e Castela e León coincidiron en sinalar a relevancia desta apertura, e pediron celeridade para restablecer a normalidade canto antes.

Os condutores que cheguen desde a meseta polo momento terán que seguir collendo a Nacional sexta e atravesar Pedrafita. O ministro prevé que a ponte de entrada a Galicia pola autovía estará lista a finais de 2024.