O Vilalbés mantén a cero o seu taboleiro de derrotas

O Racing Vilalbés continúa sen perder na Segunda Federación. Tres xornadas, unha vitoria e dous empates. O último, de moito mérito, ante o Raio Cantabria, que viña de gañar en Abegondo ao Fabril. 

Dominou o conxunto local pero non houbo demasiadas ocasións. O equipo chairego non gozou de demasiadas aproximacións e só ameazou nun par de ocasións na segunda parte a balón parado. 

No último intre, o Raio Cantabria tivo o gol da vitoria pero apareceu Santomé para facer a parada do partido e mantivo a súa porta a cero.