O Vilalbés non sae do bache e queda un punto por riba da promoción de descenso

Momento complicado da temporada para o Racing Vilalbés, derrotado por 2-0 no campo do Marino de Luanco (terceira derrota consecutiva), que perdeu boa parte da marxe gañada na primeira volta cos postos de descenso. Aínda mantén cinco puntos co descenso directo, pero a promoción queda agora a un só punto. 

Non foi unha boa tarde dos chairegos, que viron como o seu rival se adiantaba moi cedo cun gol de Miguel Cuesta. As mellores opcións do partido foron para un Marino que tamén sabía da importancia do partido. Ao pouco de comezar a segunda parte, o veterano Alberto Lora transformou un penalti e puxo o definitivo 2-0.