Os seareiros do Málaga provocan incidentes nas rúas da Coruña
Os seareiros do Málaga provocan incidentes nas rúas da Coruña
Un grupo de afeccionados que chegou para ver o partido entre o Deportivo e o Málaga destrozou un bar e tivo que ser freado polas forzas de seguridade
As horas previas do Deportivo - Málaga (domingo, 14:00 horas) tinguíronse de incidentes provocados polos afeccionados que chegaron desde a cidade andaluza. Un grupo de seareiros esnaquizou un bar e percorreu as rúas da Coruña provocando incidentes.
O Deportivo reaccionou emitindo un comunicado no que "amosa a máis firme repulsa e condena os actos vandálicos que se produciron esta noite na Coruña. O club fará todo o posible para perseguir aos responsables dos mesmos. O fútbol é un deporte que promove o entendemento entre as afeccións e a cidade da Coruña e os seus seareiros merecen un respecto".
Ao longo da noite os afeccionados chegados desde Málaga realizaron actos vandálicos nas rúas da Coruña
— En Xogo tvG2 (@EnXogo_tvG2) October 6, 2024
✍️ O @RCDeportivo emitiu un comunicado onde amosa "a máis firme repulsa e condena polo acontecido"
🏟️ O partido xógase este domingo ás 14:00 horas pic.twitter.com/V10VwkJpwb
