Cargando resultados...
Ruta polo Ourense cinematográfico
Ruta polo Ourense cinematográfico
O OUFF organiza tres percorridos distintos para dar a coñecer o potencial da provincia como plató de cine
G24.gal
30/09/2024 20:20
Última actualización 30/09/2024 20:39
Este luns tivo lugar a primeira ruta. Os participantes achegáronse á zona vella de Ourense, escenario de múltiples películas, e a Pazos de Arenteiro e Moldes, no concello de Boborás, onde se rodou parte de Elisa e Marcela e da Esmorga.
O mércores visitarán Esgos, Allariz e Celanova, ademais de percorrer novos espazos da cidade, e o venres a San Clodio, Ribadavia e Melón.
Trátase dunha iniciativa do Festival Internacional de Cine de Ourense coa que se pretende amosar a riqueza patrimonial e paisaxística da provincia inmortalizada na sétima arte.
