Sumar Galicia proclama este sábado unha executiva liderada por Paulo Carlos López e Verónica Martínez Barbeiro

Sumar Galicia celebra este sábado a asemblea xeral que completa o seu proceso constituínte, que proclamará a Paulo Carlos López como secretario xeral e a Verónica Martínez Barbeiro como presidenta --única candidatura presentada--, e que contará coa presenza da vicepresidenta segunda do Goberno e ministra de Traballo, Yolanda Díaz.

Será na Facultade de Psicoloxía da Universidade de Santiago de Compostela, no Campus Sur, e en acto de peche, ás 18.00 horas, intervirán a presidenta e o secretario xeral electos, a secretaria de Organización de Movemento Sumar, Lara Hernández, e o deputado no Congreso Manuel Lago.

Así, está previsto que se dea luz verde á única candidatura presentada para conformar a nova Coordinadora Nacional da formación, cunha lista encabezada por Paulo Carlos López e Verónica Martínez Barbeiro (portavoz de Sumar no Congreso tras a saída de Íñigo Errejón).

En concreto, a candidatura, integrada por 30 persoas titulares e oito suplentes, será a única que se someta á asemblea xeral deste sábado.