Vueling cancela hoxe 58 voos pola folga de tripulantes, dous deles en Santiago
Vueling cancela hoxe 58 voos pola folga de tripulantes, dous deles en Santiago
Afectou a primeira conexión da Lavacolla con Barcelona, os viaxeiros estaban avisados
A folga mantense os venres, domingos e luns ata o 31 de xaneiro
Os tripulantes de cabina demandan unha suba salarial do 13 %
Ambiente tranquilo no aeroporto de Santiago, malia ser un dos afectados por esta cuarta xornada de folga en Vueling.
A conexión de primeira hora con Barcelona suspendeuse na ida e na volta, pero a compañía xa avisara previamente os usuarios, que foron recolocados ou ben recibiron o reembolso dos cartos.
A compañía catalá está a minimizar o efecto da folga cancelando preventivamente os voos que non dá cuberto cos servizos mínimos.
Os paros das tripulacións nacionais de cabina continuarán os venres, domingos e luns e ata o 31 de xaneiro, ademais de días fortes de decembro como o 6 e o 8 ou o 24 e o 31. Convocados polo sindicato maioritario Stavla, reivindican melloras salariais do 13 %.
