Ximo Navarro prolonga o contrato ata 2026 co Deportivo

Ximo Navarro, que remataba contrato en xuño de 2025, seguirá unha campaña máis defendendo a camisola do Deportivo. Club e xogador chegaron a un acordo para prolongar o vencello visto o gran rendemento que deu o lateral granadino ao longo de todo o campionato. Ata a súa lesión, no partido do Cartaxena, Navarro era un indiscutible tanto para Idiakez como para Gilsanz e cunhas prestacións goleadoras descoñecidas ao longo da súa traxectoria. Marcou catro goles, case tantos como en toda a súa carreira. 

𝑵𝒐𝒏 𝒉𝒂𝒊 𝒖𝒏 𝒎𝒆𝒍𝒍𝒐𝒓 𝒍𝒖𝒈𝒂𝒓 𝒏𝒐 𝒒𝒖𝒆 𝒆𝒔𝒕𝒂𝒓 🤍💙 pic.twitter.com/EQrTCgIvdW

— RC Deportivo (@RCDeportivo) April 9, 2025

O defensa chegou á Coruña en 2023 e acadou o ascenso de 1ª RFEF. Viña precedido dun historial cheo de equipos de Primeira División como o Mallorca, o Almería, o As Palmas ou o Alavés e antes de chegar ao conxunto coruñés tivo unha experiencia na máxima categoría dos Países Baixos, no Fortuna Sittard. Con 35 anos cumpridos no mes de xaneiro Ximo Navarro é un xogador moi versátil que pode actuar en ambas as dúas bandas e mesmo pode xogar no centro da defensa.