Anne Nikitik: "Ronsel foi un fervor de intelectuais apaixonados"

Para conmemorar o centenario da revista Ronsel, o Museo Provincial de Lugo acolle unha exposición multidisciplinar que viaxa pola actividade cultural da cidade nas décadas dos anos 20 e 30, ata o comezo da Guerra Civil. Malia a súa curta vida, esta publicación bilingüe deixou unha gran pegada no panorama cultural galego e nacional. Libros, revistas, cadros, esculturas, fotografías ou xornais son algunhas das pezas que reviven esa época.