A Audiencia avalía o xoves ingreso en prisión de Santi Mina ante o aumento de risco de fuga

O futbolista Santi Mina deberá comparecer este xoves na Audiencia Provincial de Almería para a audiencia en que se dirimirá se ingresa en prisión provisional para cumprir a pena de catro anos de cárcere a que foi condenado en primeira instancia por abusar sexualmente dunha muller en 2017 durante unhas vacacións no municipio de Mojácar.

A comparecencia, regulada no artigo 505 da Lei de Axuizamento Criminal, está inicialmente sinalada ás 10:00 horas, segundo consta na providencia consultada por Europa Press e que cita o que fora xogador do R. C. Celta de Vigo.

A celebración da audiencia o vindeiro xoves chega a pedimento da acusación particular. A acusación estima que a marcha de Santi Mina a Arabia Saudita para vestir a camiseta do equipo Al Shabab durante esta tempada 2022-2023 supuxo un "incremento desproporcionado de risco de fuga da xustiza".