A EMA pronúnciase este xoves sobre a vacina pediátrica

Este xoves podería haber novidades para a franxa onde máis aumentan os contaxios, os menores non vacinados. A Axencia Europea do Medicamento vaise pronunciar sobre a vacina pediátrica de Pfizer.

Sería o primeiro paso para comezar a vacinar os nenos de 5 a 11 anos. De ser autorizada a vacina para Europa, despois en España tería que ratificala a Comisión de Saúde Pública e o calendario de vacinación tamén dependería da chegada das vacinas.