A Xunta recibiu máis de 1.300 solicitudes no primeiro día para pedir o Bono Emancípate

A Xunta de Galicia recibiu máis de 1.300 solicitudes no primeiro día de prazo para pedir o Bono Emancípate.  Trátase dunha liña de axudas destinada a sufragar os primeiros gastos á hora de independizarse.

Pódese destinar, por exemplo, a mercar mobles, electrodomésticos, artigos para o fogar ou a facer a mudanza. Está destinado a persoas de entre 18 e 35 anos, cunha fonte regular de ingresos e cun contrato de alugueiro ou compravenda na vivenda onde estean empadroados.