Adiado o concerto de Van Morrison na Coruña por problemas de saúde do músico

Van Morrison non actuará este venres na Coruña como estaba previsto.  Por razóns de saúde, o cantante británico suspende este concerto e o de Madrid, os últimos da súa xira deste ano.

Vanse reprogramar para os primeiros meses de 2022. As entradas para a actuación suspendida permitirán ir ao concerto na nova data sen facer ningún trámite. Quen o prefira pode solicitar a devolución do importe.