Alfaro deixa o Fabril nos postos de fase de ascenso (0-1)

O Fabril sumou os tres puntos no campo do Escobedo cántabro para rematar a xornada en postos de fase de ascenso á Primeira Federación. Un partido que non foi brillante, condicionado pola superficie e as dimensións do terreo de xogo.

O conxunto coruñés aproveitou a expulsión de Cagigal no minuto 80 e soubo agardar pola súa oportunidade cun xogador máis. No 88 Kevin marchou por velocidade e asistiu a Alfaro para marcar o único gol do partido.