Arxentina derrota a Chile cun solitario gol de Lautaro

A Arxentina sumou o segundo triunfo na Copa América grazas a un gol do dianteiro do Inter de Milán Lautaro Martínez a moi pouco do final. Chile foi un duro rival para o equipo de Scaloni e sentiuse moi prexudicada pola actuación arbitral. Os chilenos xogaranse a segunda posición do grupo na última xornada diante do Canadá.

Os canadenses sorprenderon a Perú co gol dunha das súas estrelas, Jonathan David. Con tres puntos válelles un empate na última xornada para clasificarse.