Comeza a temporada de furanchos na área de Pontevedra
No furancho de Sara en Marcón abriron a principios de febreiro
E comezou xa a tempada de furanchos na área de Pontevedra. Visitamos o de Sara na parroquia de Marcón. Venden case dúas mil botellas de viño: clarete, tinto femia e mestura de uvas catalás.
Aínda que este ano poden elixir entre once tapas desde costela ata fabas, Juan tirou dos cinco clásicos: tortilla, orellas, zorza, ovos con patacas e de sobremesa queixo e marmelo.
Abren desde venres ata o domingo ao mediodía e o ambiente é festivo case sempre. Antes só viñan os da redonda pero os furanchos puxéronse de moda e xa se poden localizar por Internet ou nas aplicacións dos móbiles. Xa son ademais un reclamo turístico.
A comida caseira e o viño son as escusas para xuntarse, falar e cantar. É un ambiente único que nada se pode comparar a un bar ou un restaurante.
Logo de abertos poden seguir atendendo ao público durante tres meses.
