Con Neymar e Messi, pero sen Ramos, recibe o PSG ao Nantes

Ás 17:00 da tarde temos unha nova cita coa Liga Francesa para ver o encontro entre o Paris Saint Germain, con Messi xa recuperado, e un Nantes en boa forma que só perdeu un dos cinco últimos partidos.

Malia o liderato, os parisinos están a sufrir para sacar adiante os seus compromisos como vimos nas últimas xornadas ante o Burdeos e o Lille.

O choque conta co atractivo de ver en acción as estrelas capitalinas fronte o xoven equipo do Nantes no que está a destacar o centrocampista español Chirivella, autor de dous goles nesta temporada.