Coñecemos as consecuencias de Domingos nos campos de Ponte Caldelas e de Ponteareas

As consecuencias do paso da borrasca Domingos non só se notan nos adiamentos con cancelacións de eventos deportivos, senón tamén cos danos materiais en instalacións. As máis virais e graves foron as que sufriron en Beluso, Pontecaldelas ou Ponteareas.

O desbordamento do río Verdugo esnaquizou o céspede artificial do campo municipal Chan de Barcia. O presidente do club Pedro Rodríguez falou na Radio Galega.

"Son máis de 200 nenos, equipos femininos, de veteranos, que hai que recolocar. É impresionante o que vin cando cheguei pola mañá, ata chorei da emoción. Pedimos axuda a todas as institucións e agradecemos a todos aqueles que xa se están ofrecendo para darnos acubillo. Hai que pensar cal pode ser a solución, porque se o arranxas e o ano que ven volve a pasar o mesmo, son moitos cartos investidos".

Imaxes tamén impactantes as do Campo Municipal de Pardellas en Ponteareas, totalmente asolagado. O presidente do xuvenil de Ponteareas Pedro Alfaro tamén falou no Galicia en goles.

"Xa acontecera o ano pasado. Pero contan os máis vellos que nunca a auga chegara ata tan arriba. Temos moitos equipos que hai que recolocar, máis de 300 equipos. Xa tivemos tamén unha hai unha semana. Recibimos a axuda do concello de Salvaterra para poder usar outras instalacións".