Cristóbal: “Seguimos nunha situación que non permite un segundo de respiro”

O técnico do Rácing de Ferrol dá valor a que o equipo acumule tres xornadas sumando, pero destaca que polo momento seguen situados en postos de perigo Sen tempo para recuperar desde o épico encontro da pasada fin de semana ante o Huesca, o Rácing de Ferrol ten en mente agora a súa viaxe a Burgos para esta xornada intersemanal.

O partido está marcado por ter que realizar unha recuperación exprés por parte de ambos os equipos e en clave ferrolá polas numerosas ausencias na medular. O conxunto verde non poderá contar no medio do campo con Luis Perea, Josep Señé e Álex López. No caso do capitán, debido á desmedida expulsión do pasado domingo no choque ante o Huesca.

"Non temos tantos centrocampistas como para que non toque a quiniela de acertar".

"Para iso están os equipos, imos tirar de todos os xogadores".

Todo apunta a que o que resta no equipo para a devandita demarcación con Aitor Gelardo, Fran Manzanara e Álvaro Sanz serán os encargados de levar a batuta na zona de creación. Cristóbal Parralo, tras tres xornadas puntuando, cre que o encontro do xoves na visita ao Burgos será esixente.