De la Puente fai historia gañando o dobres do US Open de tenis en cadeira
De la Puente fai historia gañando o dobres do US Open de tenis en cadeira
É o primeiro Grand Slam para o tenista galego de 23 anos e o primeiro título de Grand Slam para un tenista español en cadeira de rodas
O galego Martín de la Puente, número seis do ranking ITF de tenistas en cadeira de rodas, gañou xunto co francés Nicolas Peifer o Aberto de Estados Unidos en dobres, ao superar na final por 4-6, 7-5 e 10-6 á parella británica formada por Alfie Hewett e Gordon Reid.
De la Puente e Peifer chegaron á final tras superar en oitavos aos neerlandeses Maikel Scheffers e Ruben Spaargaren por 6-4 e 6-0 e desfacerse en semifinais do tamén neerlandés Tom Egberink, número uno do mundo, e o belga Joachim Gerard, nun encontro que se resolveu cun marcador moi rifado por 3-6, 6-4 e 6-10.
Este título supón o primeiro Grand Slam para o tenista galego de 23 anos e o primeiro título de Grand Slam para un tenista español en cadeira de rodas. De la Puente e Peifer, con este Grand Slam, suman a terceira vitoria do ano xuntos en dobres. Os outros dous títulos foron o Open Británico e Open Toyota Isla de Ré en Francia.
🎾♿️🇺🇸🏆 CAMPEÓN DEL US OPEN 2022!!
— Martin de la Puente (@tindelapuente) September 10, 2022
Sin palabras para describir la alegría al ganar mi primer Gran Slam con el gran @Nicolas_Peifer 🇫🇷
VAMOOOOOOSSS!!
Todo mi agradecimiento a todo mi equipo de trabajo y los que me animáis y apoyáis siempre@usta @usopen @ITFTennis @EFEnoticias pic.twitter.com/wl9ZPHGs3N
