Empate de mérito do Deportivo Abanca que leva cinco xornadas sen perder

O Deportivo Abanca continúa coa boa serie de resultados. Empatou sen goles diante do Atlético de Madrid, o terceiro clasificado da Liga Feminina. No primeiro tempo houbo poucas ocasións e a mellor foi para a deportivista Millene. Na segunda metade abriuse moito o partido e os dous equipos gozaron de oportunidades. O Atlético levou o dominio do partido, pero atopouse cunha Inés Pereira moi atinada. O Deportivo, á contra, puido marcar, pero faltoulle eficacia en ataque. No engadido a visitante Jensen tivo a máis clara pero non atinou no remate final.