Garamendi ve preocupante para a economía a caída do investimento estranxeiro en España

O presidente da Confederqación Española de Empresarios cualifica de preocupante a caída do investimento estranxeiro. Antonio Garamendi asistiu á reunión do Consello Asesor da Confederación de Empresarios de Galicia.

Un encontro en que tamén participou a conselleira de Emprego. O presidente da patronal apuntou que outra das preocupacións dos empresarios é a situación política.

"Unha petición de estabilidade política, de erradicar a palabra polarización. A economía é certo que nestes momentos non está mal pero é certo que un dos indicadores importantes como é o do investimento é preocupante porque o investimento estranxeiro caeu  en España o ano pasado case un 25 %", afirma Antonio Garamendi, presidente da CEOE.