Harris e Biden ofrécenlle a Trump unha "transición de poderes pacífica"
Harris e Biden ofrécenlle a Trump unha "transición de poderes pacífica"
En senllas chamadas de felicitación ao gañador, os demócratas destacaron a importancia de que haxa un transición de poderes "pacífica" e de que exerza de presidente para todos
Trump coincide con Harris e Biden na importancia de "unir o país"
A vicepresidenta estadounidense, Kamala Harris, chamou este mércores ao expresidente republicano Donald Trump para felicitalo pola súa vitoria nas eleccións.
A campaña demócrata informou de que nesa conversa, a candidata subliñou a importancia de que haxa unha transición "pacífica" de poderes e de que exerza como presidente "para todos os estadounidenses".
Tamén, o presidente saínte, Joe Biden, chamou por teléfono a Donald Trump, para felicitalo e tamén para ofrecerlle unha "transición tranquila".
Nun comunicado, a Casa Branca informou de que Biden mostrou o seu compromiso por "unha transición pacífica e salientou na importancia de traballar de forma conxunta para unir o país".
O presidente chamou antes á candidata demócrata, a vicepresidenta, Kamala Harris, para felicitarlle tamén por "unha campaña histórica" e a súa oficina sinalou que Biden dirixirase á nación o xoves para falar sobre as eleccións e a transición.
Reuters
Reacción de Trump
Donald Trump, segundo engadiu noutra mensaxe o equipo do republicano, "recoñeceu a fortaleza, profesionalidade e tenacidade" de Harris nesta campaña e os dous líderes "coincidiron na importancia de unir o país".
