Iker Losada: "Volver a Vigo era unha oportunidade de ouro"

A Sede acolleu a rolda de prensa do novo xogador do R. C. Celta: Iker Losada. O canteirán celeste reencontrouse cos medios de comunicación e atendeu as preguntas dos xornalistas, tras as declaracións de Sergio Álvarez e Marco Garcés.

“Grazas, Iker por querer volver á túa casa. Todos sabiamos as ganas que tiñas”, asegurou o conselleiro do Celta.

Pola súa banda, Marco Garcés afirmou que a volta de Losada é como o “regreso anticipado dun fillo pródigo”.

Palabras de agradecemento e agarimo que foron recíprocas por parte do propio xogador, quen subliñou que “é moi bonito que pensen en min para seguir crecendo xuntos. Creo que é un paso importante para a miña carreira e estou moi agradecido. Estou centrado nesta volta tan ansiada e espero facelo ben para que todo saía o mellor posible”.

 Iker Losada non tivo dúbidas para regresar.

"Cando chegou a chamada do pensas en ti, no que queres, no que vai vir ben para teu futuro, son un xogador novo que quere xogar".

"A oportunidade de vir, co adestrador que xa me coñece..., era unha oportunidade de ouro".

O dianteiro de Catoira chega cedido polo Betis sen opción de compra.

Pola mañá realizou a súa primeira sesión de adestramento en Afouteza, polo que podería entrar na convocatoria para xogar en Valencia.