Imanol Idiakez: "Queremos ver as caras novas, pero hai que equilibrar o equipo"

Imanol Idiakez recoñeceu que el mesmo tamén está a desexar ver as novas fichaxes do Deportivo, pero insistiu na necesidade dun equilibrio e un coñecemento maior de todos, antes de que o seu protagonismo vaia crecendo no equipo.

O adestrador, que se declarou contento co cadro de xogadores de que dispón, sinalou como "unha riqueza" os cambios de posición dos seus xogadores e a melloría do rendemento no segundo tempo do pasado partido en Granada.

"Estamos en proceso de ver a xente competir. Temos un bo cadro de xogadores, pero non podemos meter a todos de golpe" 

"Non podemos meter 6 xogadores novos cada día", sinalou tras o adestramento deste mércores"

Non eludiu a pregunta sobre o debate do lateral.

(Risa) "Estou á marxe, pero ao final algo chega porque se vas mercar o pan coméntancho"

"Entendo que hai debates e máis no Dépor, levo aquí un ano e sei que todo se debate, pero lévoo con naturalidade"

A expedición branquiazul ultimará o xoves xa en Córdoba o plan do partido, correspondente á quinta xornada de Liga.