O Deportivo ten un problema co balón parado
O Deportivo ten un problema co balón parado
Deportivo xa encaixou máis goles (5) en accións a balón parado que en todo o curso pasado (4)
Nas cinco primeiras xornadas da Liga Hypermotion, o Deportivo xa encaixou máis goles (5) en accións a balón parado que en todo o curso pasado (4), cando cimentou o seu ascenso ao fútbol profesional na fortaleza nesas accións.
Na xornada inaugural, unha falta lateral permitiu ao Real Oviedo explotar a debilidade do Dépor cun tanto de Alberto do Moral. En Huesca, Óscar Sielva puxo o 1-0 desde o punto de penalti, logo neutralizado por Ximo Navarro no inicio do segundo tempo, e o francés Jérémy Blasco castigou novamente ao Deportivo no tempo de desconto tras un saque de esquina.
O equipo de Imanol Idiakez contivo a un especialista da estratexia como o Rácing Club Ferrol en Riazor e tampouco encaixou a balón nos Cármenes no empate ante o Granada. O Deportivo parecía corrixir o seu gran problema, pero no Nuevo Arcángel sufriu outros dous golpes ante o Córdoba. O equipo andaluz adiantouse no minuto 42 cun tanto de Cristian Carracedo á saída dun córner, e pechou a súa vitoria cun lanzamento de Ander Yoldi desde o punto de penalti.
Á espera do que suceda no Almería-Castelló desta noite, o Dépor pechará a quinta xornada en postos de descenso a Primeira División tras sumar unicamente catro puntos. O seu próximo partido será contra o Burgos, que vén de derrotar ao Zaragoza.
