Un bar do barrio coruñés dos Mallos esgota 750 décimos de lotaría do Nadal en 65 minutos
Un bar do barrio coruñés dos Mallos esgota 750 décimos de lotaría do Nadal en 65 minutos
Un cuarto de hora despois esgotaron as 50 participacións que tiñan
Disfrazáronse para a ocasión e tivo efecto
Con alegría e ilusión comezaban ás dez da mañá a vender a lotaría do Nadal no bar Chaflán, moi popular na cidade da Coruña.
"Hai moita demanda e tivemos que poñer un día para vendela", explica Rafa Varela, o propietario do bar.
Ninguén quería quedar sen ela. E por iso, desde primeira hora, se formaron ringleiras.
"Eu pensei que ía ser chegar e encher... e hai que agardar...". "Isto non se ve noutros bares...".
Dona Chaflanita é a encargada das vendas.
"Era unha boa idea convocar a todos os clientes para que a colleran, pero creo que fixen mal porque vai quedar moita xente sen ela", di Rafa.
"Levamos 65 minutos vendendo e só nos queda un décimo. Ben, quedaba un, e durou un suspiro".
Pero aínda quedaban 50 participacións de 5 euros cada unha delas. Tamén as esgotaron nun cuarto de hora.
