Chega a Galicia a demanda de coches dos afectados pola DINA

A este concesionario de Vigo, as consultas dos afectados chegan por decenas. De feito xa venderon tres coches coma este. Milleiros de vehículos quedaron totalmente desfeitos e os propietarios necesitan substituílos canto antes. 

Conscientes da complicada situación que viven nos concesionarios, realizan todas as xestións para conseguir as axudas. 

Unha boa parte deles realiza a compra en liña, tanto de coches novos coma de segunda man. Neste caso é importante a seguridade. 

Os afectados queren volver canto antes á normalidade, por iso tamén garanten un traslado rápido dos coches, para que poidan seguir conducindo as súas vidas.