Iván Ares comeza no podio o supercampionato de España

E comezou o supercampionato de España de rallys en Lorca, con Iván Ares pelexando cos mellores.

O de Cambre rematou de segundo o Rally Tierras altas, a 23 segundos do vencedor, Efrén Llarena.

Completou o podio desta proba, moi condicionada pola chuvia, Pepe López, que este ano volve ao Nacional e vaino compaxinar co Mundial. O vixente supercampión, Cohete Suárez, rematou de noveno esta proba inaugural logo de perder unha roda. Refíxose e mesmo acabou marcando o último scratch.