Joselu "Seguimos medrando e veremos ao final onde somos quen de estar na clasificación"

Traballada vitoria do Rácing de Ferrol na Malata, que lle permitiu ao conxunto verde ascender provisionalmente á terceira posición da  1a RFEF.  Pero non foi doado o partido ante o conxunto calagurritano. O capitán Joselu atendeu a Raúl  Villares no pos-partido do Galicia en Goles.

"Custou pero sabiamos que diante tiñamos un equipo que levaba sete ou oito partidos sen perder e que ía ser complicado. Ao final aconteceu o que agardabamos. Non foi o noso mellor partido pero contentos por marchar de vacacións con bo sabor de boca. Cando un equipo é quen de gañar sen xogar ben significa que hai traballo detrás"

Á espera do que aconteza na xornada do domingo, Joselu considera importante a dinámica da entidade ferrolá.

"Hai que estar contentos. Os tres puntos son vitais para seguir arriba e coller confianza.  Temos que seguir medrando e logo ao final  de temporada veremos ata onde nos da o traballo na clasificación. Temos confianza no equipo e nos compañeiros"