Máis restricións para non vacinados e esixencia de inmunización para máis profesionais en Italia

O primeiro ministro italiano Mario Draghi anunciou novas medidas para frear a propagación da covid–19.

As persoas non vacinadas quedan excluídas de actividades públicas de ocio. Todo o persoal sanitario e docente, incluído o administrativo, queda obrigado a vacinarse, o mesmo que militares, integrantes das forzas da orde e de urxencias.

Os últimos datos referidos a 24 horas cifran os novos contaxios en Italia en máis de 12.400, e morreron 85 persoas.