Manzanara: "Todos os puntos permiten estar máis preto da salvación"

Fran Manzanara saltou ao verde da Malata seis meses despois -a última fora fronte ao Éibar en febreiro- para formar parte do once de gala e facelo, ademais, portando o brazalete de capitán. E algo cambiou para Fran co asubío inicial.

"Comezar sumando é importante. Todos os puntos permiten estar máis preto do obxectivo, a salvación"

"Isto xa non é a pretemporada. Todos esixen ao máximo e ninguén regala nada"

O dorsal dezaseis recobrou a presenza de Primeira Federación. Colocaba os seus en fase defensiva, non escapaba dos duelos -nin os aéreos nin os terreais- e o xogador apoucado polo salto de categoría, a falta de minutos ou pola obriga para salvar os mobles facendo as funcións de central atopouse a si mesma fronte ao Málaga.

Un partido completo, un cartón amarelo, unha asistencia de gol, dúas recuperacións e dúas intercepcións poñen de manifesto que Manzanara non ten entre os seus plans pasar desapercibido polos terreos de xogo de Segunda neste segundo curso na categoría de prata.