Metémonos na mente de Leonardo da Vinci

Pontevedra acolle unha exposición sobre Leonardo da Vinci moi particular e gratuíta. A mostra de rúa viaxará por toda España da man da Fundación La Caixa e pretende ir máis alá do que foi este xenio do Renacemento. 

Esta exposición métenos de cheo na mente deste xenio, na que hai unha clara invitación a observar, cuestionar e experimentar.

E para que poidamos pensar igual ca el, esta exposición invítanos a xogar e a desatar o noso propio enxeño.

Unha exposición de rúa diferente, cun equipo multidisciplinar, enxeñeiros, historiadores ou programadores informáticos, que tardou dous anos e medio en facela realidade.

No exterior da Praza de España de Pontevedra están as súas maquetas, en que queda plasmada a súa obsesión coas máquinas voadoras. Poderemos visitala ata o 28 de novembro para coñecer en primeira persoa este xenio do Renacemento.