Falece un home ao chocar co seu coche contra un muro en Vigo
Falece un home ao chocar co seu coche contra un muro en Vigo
A policía investiga as causas do accidente
Accidente na PO-313 en Moaña
As autoridades policiais investigan as causas dun accidente que deixou unha persoa falecida en Sárdoma (Vigo) este xoves.
O vehículo no que ía chocou contra o muro dunha casa no Camiño de Campelos pasadas as 15.00 horas.
Ademais dos axentes da Policía local foron avisados os axentes da Nacional para aclarar as circunstancias.
Fontes próximas á investigación apuntaron que se investiga se a morte do condutor foi "causa ou consecuencia" do accidente, xa que o médico do 061 non puido determinalo.
Con todo, descártase que existan indicios de criminalidade.
Non foi necesaria a intervención do servizo de bombeiros, xa que a vítima estaba liberada e accesible.
Sinistro en Moaña
E en Moaña, os Bombeiros do Morrazo tiveron que rescatar unha persoa atrapada dentro dun coche que chocou contra outro na PO-313, antes das seis desta tarde.
Tras ser liberada, a ferida foi evacuada nunha ambulancia de Urxencias Sanitarias de Galicia-061 ao Hospital de Montecelo, en Pontevedra.
Unha mascota acompañaba á ferida, pero foi recollida por un familiar.
