Un coche sen ocupantes cae ao mar no porto de Ferrol

Un vehículo sen ocupantes precipitouse ao mar este martes pola tarde no peirao número 5 do Arsenal Militar de Ferrol.

Estímase que o coche foi arrastrado ata a auga polos fortes refachos de vento e non tiña accionado o freo de man ou sufría algún tipo de avaría.

O automóbil quedou situado nun primeiro momento nas inmediacións dunhas das fragatas da serie F-100, a F-102 Almirante Juan de Borbón.

Finalmente, acabou por mergullarse e, agora, está previsto que leven a cabo os traballos para reflotalo e retiralo da auga.