O Celta afronta en Cádiz a primeira final pola permanencia
O Celta afronta en Cádiz a primeira final pola permanencia
Os gaditanos marcan o posto de descenso, están a tres puntos do Celta e mesmo se vai poñer en xogo o goal average logo do empate na ida
Non lle queda outra ao Celta que deixar os lamentos polo punto perdido co Barcelona. Chega un momento clave do calendario, especialmente as dúas próximas xornadas. O domingo, Cádiz-Celta, e cinco días despois, o Celta-Almería; os dous rivais están por debaixo na clasificación, e os andaluces son os que marcan o descenso.
Fran Beltrán foi o protagonista desgraciado esta vez. Por segunda xornada consecutiva, os de Benítez deixaron escapar puntos no tempo engadido. Segundo as contas do perfil de estatísticas Afouteza e Corazón, o Celta perdeu trece puntos na recta final dos partidos. Unha cifra que engordaron erros propios ou decisións do VAR.
O domingo en Cádiz o Celta ten máis de tres puntos en xogo. En 25 xornadas o Celta sumou 20 puntos, so catro vitorias, e apenas marcou nove goles na casa, o peor dato da Liga, empatado xustamente co Cádiz.
