Lendoiro, sobre Tebas: “Crese o amo do fútbol e só é un empregado de luxo”
Lendoiro, sobre Tebas: “Crese o amo do fútbol e só é un empregado de luxo”
Tebas acusou a Lendoiro de construír o Superdepor á conta de deixar unha enorme débeda coa Axencia Tributaria
O expresidente do Deportivo, Augusto César Lendoiro, respondeu este venres ao presidente da Liga, Javier Tebas, quen fai unha semana acusouno de construír o Superdepor á conta de deixar unha enorme débeda coa Axencia Tributaria.
“O Valencia foi un gran club, pero non esquezamos a débeda coa que terminou. Iso pasou co Deportivo da Coruña, con Lendoiro. Tamén xogou en Europa. E como Augusto deixou o club? Debendo 90 millóns de euros á Axencia Tributaria. Así eu tamén faría un gran club. Que pague o que veña”, expuxo o dirixente da patronal de clubs españois.
Unha crítica que non gustou ao histórico presidente do Deportivo, quen, nunha carta remitida á Axencia EFE, acusa a Tebas de crerse “o amo” do fútbol español por “manexar todo o seu diñeiro”, aínda que non deixa de ser, puntualiza, “un empregado de luxo”.
“Tebas, como case sempre, manipula a realidade. E sábeo. Non se sostén que nos sinale como rara avis no que se refire á Axencia Tributaria. Cónstalle, a el máis que a ninguén, que a gran maioría de clubs debían cantidades moi importantes a unha Facenda, que, entón, miraba para outro lado”, defende Lendoiro.
