O Celta Fortuna e o derbi do Espiñedo, dobre cita da G2 coa 1ª RFEF

A xornada na Primeira Federación comeza para os nosos en Zubieta. Alí, e en directo pola G2, ás 5 da tarde, O Celta Fortuna mídese co filial da Real Sociedade. Unha hora máis tarde e tamén en territorio vasco, o Deportivo xoga contra o Sestao River. Agárdase unha nova invasión branquiazul nun partido que podería deixar o ascenso a un só partido de distancia.

Para o domingo quédanos un novo derbi no Espiñedo. O Arenteiro, logo do subidón que supuxo o empate en Riazor, recibe ao Lugo, que busca encadear dúas vitorias consecutivas.