O Celta Xuvenil loitará por unha praza na Youth League

E o equipo xuvenil do Celta xogará a final a catro da Copa do Rei. O cadro que adestra Claudio Giráldez goleou o Granada tras remontar un gol inicial dos nazarís.

O capitán, Damián Rodríguez, empatou de penalti. David de la Iglesia puña por diante aos celestes, depois o Granada tivo que buscar o gol e os vigueses sentenciaron o partido. Jesús Ares marcou o terceiro, e Martín Conde fixo o cuarto.

O Celta entrará na competición que lle pode dar unha praza na Youth League da próxima temporada, xunto ao Betis, Español e Real Madrid.