O Compostela non pon fin á crise e remata a xornada en descenso

Momento complicado o que vive o Compostela. Perdeu no campo do Langreo (2-1) e caeu a postos de descenso despois de sumar a sexta xornada sen gañar -só 2 puntos de 18 posibles-. E iso que conseguiu adiantarse cun gol de Santi de Prado no minuto 44. A desgraza para os de Antón Permuy foi que o Langreo empatou no engadido do primeiro tempo. Marcou Breñé. O partido era de empate pero no minuto 85 marcou Lucas Suárez para os locais o definitivo 2-1.