O destino de Jonny Otto está no PAOK da liga grega

O ex-xogador da canteira do Celta, o vigués Jonny Otto, é novo xogador do PAOK grego. O lateral esquerdo desvinculouse do Wolves despois de cinco anos na liga inglesa. A súa falta de protagonismo e un episodio de indisciplina levaron a Otto a cambiar de equipo.

Hai unhas semanas mesmo se falara da posibilidade do regreso de Jonny a Vigo, unha opción que nunca chegou a estar realmente enriba da mesa. Jonny (29 anos) debutou en Primeira no ano 2012 e foi indiscutible no lateral vigués durante seis temporadas. Buscou novos retos na Premier, pero logo de dous moi bos anos as lesións impediron que volvese xogar con regularidade.