O Entroido máis tradicional de Galicia colle ritmo esta fin de semana
Domingo Corredoiro en Ourense coas pantallas e os cigarróns na rúa
Tamén sairán os xenerais do Ulla e as Madamas e Galáns en Cobres
Con choiva ou sen ela o Entroido colle ritmo. En Xinzo dura un mes, pero este domingo será o primeiro en que saian as pantallas. Despois dun sábado de troula, o Corredoiro comezará a mediodía e estenderase durante toda a xornada.
Verín é o outro lugar indispensable onde pasar o domingo Corredoiro. Comezará coa tradicional concentracion popular dos cigarróns que despois irán saúdar os que saen da misa.
Tamén hai entroido esta fin de semana en Maceda. O fiadeiro de Carguizoi onde poderemos ver os felos será o sábado pola tarde.
O mesmo día en Bande e Muiños, os troiteiros e maís os cabreiros farán un percorrido conxunto. Andarán polas aldeas desde ben cedo.
E os folións escoitaránse por toda a montaña ourensá durante a fin de semana, desde Trives a Viana pasando por Manzaneda.
A provincia de Ourense xa é unha festa, pero tamén collen ritmo outros entroidos. Os xenerais do Ulla andarán por Silleda, Santiago, Teo e Vedra. E nunhas hora bota a andar o ancestral entroido de Cobres.
